Амны салстын өвчин нь амны хөндийн хацар, буйл, уруул, хэлэнд байрлаж болдон бөгөөд олон шалтгааны улмаас үүсдэг.

Шалтгаан:

• Хамар бөглөрсөний улмаас амаар амьсгалж амны хөндий хуурайших
• Шүдний эмчилгээний үед жижиг гэмтэл үүсгэх, хацараа хазах
• Шүдний хурц ирмэг, гажиг заслын аппарат, бэхжүүлэгч зэмсэг, шүдэлбэрийг хурц ирмэг нухаж холгох
• Хоол боловсруулах замын өвчин
• Гүзээлзгэнэ , цитрус жимс, кофе, шоколад, өндөг, бяслаг, самар зэрэг харшлын урвал өгч болзошгүй хүнс
• ХДХВ / ДОХ
• Дархлаа  сулрах
• Витамин  В-12, фолийн хүчил, төмөр, цайрын дутагдал
• Зарим эмийн нөлөө
• Стресс
• Мөөгөнцөрийн халдвар
• Вирусээр үүсгэгдсэн шархлаа нь халдвартай хүнээс дамжсан байдаг.

Урьдчилан сэргийлэх нь:

Халдвартай хүнийг үнсэх, аяга, халбага, сэрээгээ хуваалцахаас татгалзах нь халдвар тархахаас сэргийлж чадна.

Афтозын стоматитын/амны хөндий шархлаа/ хувьд В бүлгийн витаминууд (фолий, В-6, В-12) зэрэг витаминыг нэмэлт бэлдмэл болон хоол хүнсээр дамжуулж авч болно. Жишээ нь:

• Брокколи
• Чинжүү
• Бууцай
• Манжин
• Үхрийн элэг

Мөн

• Амны хөндийн эрүүл ахуйг зөв сахих нь чухал юм.
• Зарим хоол хүнс өвчнийг сэдрээдэг тул хүчиллэг эсвэл халуун ногоотой хоол хүнснээс зайлсхийх хэрэгтэй.
• Шүдний лав нь брекет, бэхжүүлэгч гэх мэт шүдний хэрэгслийн ирмэгийг жигд болгодог.
• Хэрэв стрессээс шалтгаалж байгаа бол тайвшруулах дасгалууд тус болно.
• Спирт агуулаагүй ам зайлах уусмал хэрэглэх.
• Зөөлөн үстэй сойз ашиглах.
• Шүдний эмчийн тогтмол хяналтад байх зэрэг орно.