Амны салстын мөөгөнцрийн өвчнөөс хүүхдэд хамгийн элбэг  тохиолддог. Ээдсэн сүү шиг цагаан толбо, өнгөр амны салстын хэсгүүдэд үүснэ.

• Хөхүүл хүүхэд
• Бие султай насанд хүрэгчдэд тохиолддог

Шалтгаан:

• Архаг халдварт өвчнүүд
• Шүд цоорох өвчний хүндрэл
• Нүүрс ус, уураг, өөх, эрдэс, амийн дэмийн бодисын солилцооны алдагдал
• Амин дэмийн дутагдлууд

Шинж тэмдэг:

• Хүүхэд хөхөндөө дургуйлхэж уйлагнана
• Бие суларч уцаарлана
• Амны салст хорсож, ам хуурайшина
• Салст нийтдээ улайсан байна
• Ээдсэн сүү шиг цэхэр цагаан толбо, өнгөр амны салстын янз бүрийн хэсэгт үүснэ
• Өнгөр амархан хусагдаж, доороос нь тод улаан гадарга гарна

Хүндэрсэн үед:

• Өнгөр нягтарч, түүнийг хусахад нилээд төвөгтэй хуссаны дараа цусархаг шарх үүснэ

Эмчилгээ:

• Шалтгааныг тогтоож түүнийг арилгах
• Биеийн эсэргүүцлийг сайжруулах
• Хүүхдийн аманд гарсан цагаан өнгөрүүдийг 2%-ийн содийн уусмалтай хөвөн бөмбөлгөөр нэг нэггүй арилгаж, амны салстыг мөн уусмалаар арчиж, угаах хэрэгтэй.
• Эх хөхөө хөхүүлэхийн өмнө гараа, хөхний толгойг буцалсан ус, 2%-ийн содын уусмалаар угааж байх нь сүүнцэртлээс сэргийлэх нөхцөл юм.
• Хөхүүл хүүхдийн угж аяга халбага зэргийг содийн уусмалаар сайтар ариутгана
• Мөөгөнцрийн халдварын үед хүүхэдтэй харьцдаг хүмүүсийн арьс, хөл гарын хумсыг шалгах хэрэгтэй
• Ээдэм, тараг, чанасан мах, шош зэрэг уургийн агууламж өндөртэй хоол хүнс өгөх