Цар тахлын үед амны хөндийн эрүүл ахуйг хэрхэн сахих вэ?

Цар тахлын үед амны хөндийн эрүүл ахуйг хэрхэн сахих вэ?

Гэр хорионы дэглэмийн үед бидэнд их хэмжээний хүнсний хэрэглээг богино хугацаанд хэрэглэх, чихэрлэг зүйлс хэрэглээ нэмэгдэх, ойр ойрхон хооллох зэрэг асуудлууд тулгарч байна. Амны хөндийн эрүүл ахуйг сахих нь шүд цоорох өвчин болон буйлны өвчлөлүүдээс сэргийлэх чухал ач холбогдолтой байдаг. Короно вирус цар тахлын үед шүд болон амны хөндийн арчилгаа нь өвчний тархалтаас сэргийлэх, аль болох эмнэлэг зорихгүй байхад чухал нөлөөтэй юм. Мөн түүнчлэн амны хөндий маань өдөр 5 удаа өөрөө цэвэршдэг бөгөөд амны хөндийд хоол хүнс болон шингэн уух зүйл орсны дараа 20 минутын дараагаас эхлээд шүлсний нөлөөгөөр амны хөндийн орчин сул хүчиллэг /pH5.5/-с саармаг болж эхэлдэг. Өөрөөр хэлвэл юм идэж ууссанаас хойш 20 минутын дараачаас эхлээд амны хөндий маань өөрөө цэвэршиж эхлэдэг байна. Хэрвээ та өдөрт 5-аас олон удаагийн давтамжтайгаар юм идэж уудаг бол шүдний паалан эрдэсгүйжин цооролд өртөмхий болдог. Иймээс хооллох хугацаа болон давтамжаа хянах нь зүйтэй юм. Мөн шөнийн цагаар шүлсний ялгаралт багасаж амны хөндий өөрөө цэвэршдэггүй учраас орой унтахын өмнө шүдээ чанартай сайн угаах нь хамгаас чухал юм.

Хоололтондоо анхаарах:

Хүнс болон уух зүйлсийг ил удаан байлгахгүй байх
Өдөрт хооллохдоо нүүрс ус багатай махан хоол хэрэглэх
Ус, чацаргана, нэрс, аарц зэрэг ихээр хэрэглэх (Сахар агууламж анхаарах)
Хүнсний ногоо, самар, тараг, ааруул хэрэглэх
Чихэр, чипс, жигнэмэг аль болох хэрэглэхгүй байх
Хооллох давтамжаа аль болох цагийн дэглэм баримтлах
Хооллосны дараах хүчиллэг орчинг саармагжуулахын тулд xylitol агуулсан бохь хэрэглэх

Амны хөндийн эрүүл ахуйн дадал:

Халдваргүйжүүлэх ам зайлах уусмал хэрэглэх нь бактери үржихээс сэргийлнэ. Хэрэв зориулалтын уусмал байхгүй тохолдолд 100 мл булээн усанд 2гр сода найруулах, 95 мл бүлээн усанд 5гр хоолны давс хийж хоолойг зайлах
Фторжуулсан ус хэрэглэх
Өдөрт 2 ба түүнээс дээш фтортой шүдний оогоор шүдээ угаах
Өдөр бүр шүдний утас хэрэглэх
Тамхи болон алкахол хэрэглэхгүй байх

Шүдний сойзоо халдваргүйжүүлэх болон цэвэрлэх

Америкийн Шүдний Холбоо /ADA/-оос шүдний сойзны эрүүл ахуйн дараах зөвлөмжийг боловсруулжээ. Короно вирус нь аливаа гадаргуу дээр 3-аас дээш хоног хадгалагдаж үлддэг гэж судлагдсан тиймээс шүдний сойзыг өдөр бүр 0.5%-ийн перкисийн уусмалд 15 минутаас дээш байлгаснаар вирусыг устгаж чаддаж байна. Шүдээ угаахаас өмнө сойзыг ийнхүү халдваргүйжүүлэх нь зүйтэй бөгөөд хэрэв та халдвар авсан нь батлагдсан эсвэл эдгэрсэн бол шүдний сойзоо солихоо мартуузай. Хэрэв солих боломжгүй тохиолдолд та Монголын эмийн санд 0.3 % перкисийн уусмал ашиглах, танд перкисийн уусмал байхгүй бол шүдний сойзоо буцалсан халуун усанд хийх эсвэл сойзоо усанд хийгээд хэдхэн минут буцалгаж болно /электрон сойзноос бусад/.

Анхаарах зүйлс:

Шүдний сойзыг бусдад дамжуулж хэрэглэхгүй байх
Цэвэр агаартай орчинд хадгалах
Хэрвээ халваргүйжүүлээд сойз элэгдэх юмуу өнгө нь өөрчлөгдсөн үед шинээр солих 3-4 cар тутамд солих шаардлагатайг мэддэг. Короно вирусын цар тахлын үед шүдний эмч нар сойзыг дээд тал нь 3 сар тутамд солиж байхыг зөвлөж байна. Халдвартай нь тогтоогдсон бол та богино хугацаанд солих анхаараарай.

Шүдний сойзоо зөв хадгалах

Шүдээ угаасны дараа сойзыг хуурай газарт босоо байрлалаар хадгалах нь зөв юм. Ингэснээр бактери үржихээс сэргийлдэг байна. Мөн халдваргүйжүүлэх сав ашиглан хадгалах боломжтой.

Ном зүй:

Жиргэх Хуваалцах