Авагддаггүй аппарат (брекет) зүүсэн үед амны хөндийн эрүүл ахуйн байдал 50 хувиар буурч байдаг.  тиймээс аппарат зүүсэн үед амны хөндийн арчилгааг 2 дахин сайн хангалттай хийж гүйцэтгэх нь чухал.  Тиймээс өдөрт хамгийн багадаа 4 удаа шүдээ угаах ба дараах зүйлсийг ашиглана.

• Шүдний утас, завсрын сойз
• Тохирсон зөв сойзыг сонгох
• Хэлний өнгөр цэвэрлэгч
• Ам зайлах уусмал

1. Шүдний утсыг сонгохдоо зөөлөн вакстай шүдний утас сонгох нь шүдний завсрыг цэвэрлэхэд хялбар болгож өгнө. Хэрэглэхдээ 30см орчим утас таслан нэг үзүүрийг нуман доогуур оруулан 2 брекет хооронд сүвлэн шүдний завсарыг цэвэрлэнэ.

2. Тохирсон сойз сонгох

Брекеттэй үед хэрэглэх шүдний сойз нь голоороо ховил үүсгэсэн сойз байдаг. Энэ нь

• Зөөлөн үстэй
• Сойзны толгой шүдний бүх гадаргууг угаахад тохирсон жижиг байх хэрэгтэй.
• 3-4 сар тутамд сойзыг солино.

3. Сойзыг бэлтгэх

Шүдийг угаахад ооны хэмжээ чухал. Вандуйн хэмжээтэй оог бэлтгэн угаана. Энэ нь шүд болон брекет дээрхи өнгөрийг хэт хөөсрүүлэн дутуу цэвэрлэхээс сэргийлдэг. Мөн зовиураас хамааран фтортой, хэт мэдрэгшил бууруулах зэрэг оог сонголтоор хэрэглэж болно.

4 . Шүд угаах дараалал

• Сойзыг 45 градусын налуу өнцөг үүсгэн хөнгөн даралтаар буйлны ирмэг шүдний гадаргууг угаана. Брекет хооронд өнгөр үлдсэн эсэхийг шалгахаа мартав аа.
• Үүний дараа шүдний дотор талын бүх гадаргууг угаана.
• Хамгийн сүүлд шүдний зажлах гадаргуу, хэлний өнгөрийг цэвэрлэнэ.

5.Завсрын сойз

Шүдний сойзоор угаасны дараа завсрын сойзыг хэрэглэснээр брекетны эргэн тойрныг  цэвэрлэх давуу талтай.

6.Ам зайлах уусмал

Ямар ам зайлах уусмал хэрэглэж байгаагаас хамааран зааврын дагуу хэрэглэх ба ам  зайлах уусмал хэрэглэснээр өнгөр үүсэх процессыг бууруулж чаддаг.